خبربااثر: اسرائیلی فوج نے غزہ میں پناہ گزین کیمپ پر فضائی حملہ کرکے مزید 29 فلسطینیوں کو شہید کر دیا۔
فلسطین کی وزارت صحت کا کہنا ہے کہ اسرائیلی فوج نے خان یونس کے جنوب میں واقع اباسان شہر کے العودہ اسکول پر بمباری کی ، اسکول میں بے گھر افراد مقیم تھے۔
شہید ہونے والوں میں زیادہ تر خواتین اور بچوں شامل ہیں ، حملے میں 53 سے زائد افراد زخمی بھی ہوئے ہیں ، زخمیوں میں سے متعدد کی حالت تشویش ناک ہونے کے باعث ہلاکتوں میں اضافے کا خدشہ ہے۔
غزہ کے سرکاری میڈیا آفس نے اپنے بیان میں کہا کہ اقوام متحدہ کے زیر انتظام چلنے والے اسکول میں بے گھر خاندانوں کو پناہ دی گئی تھی۔
دوسری جانب اسرائیلی حملے پر حماس نے خبردار کیا ہے کہ شہریوں پر حملوں سے جنگ بندی مذاکرات کو خطرہ لاحق ہو سکتا ہے۔