لندن: (ویب ڈیسک) برطانوی ارب پتی بزنس مین اپنی ہی کمپنی کے جہاز میں خلا کی سیر کر آئے۔ ستر سالہ رچرڈ برینسن کمرشل اسپیس شپ میں خلا کی سیر کرنے والے پہلے شخص بن گئے۔ انہوں نے اپنی کمپنی کے خلائی جہاز میں اسپیس کا دورہ کیا۔
رجرڈ برینسن اپنی کمپنی کے کمرشل سپیس فلائٹ پر خلا کا سفر کرنے والے پہلےشخص بن گئے ہیں۔
خیال رہے کہ پہلی بار ایک مختلف نوعیت کے خلائی جہاز میں کسی نے خلا کا سفر کیا ہے۔ سپیس شپ نے زمین سے اڑان نہیں بھری بلکہ ایک منفرد ڈیزائن والے جہاز نے سپیس شپ کو 44 ہزار فٹ کی بلندی پر جا کر ریلیز کیا جہاں سے خلائی جہاز راکٹ پاور انجن کے ذریعہ زمین کی سطح سے نواسی اعشاریہ نو کلومیٹر بلندی پر گیا۔
Welcome to the dawn of a new space age #Unity22 @virgingalactic pic.twitter.com/Rlim1UGMkx
— Richard Branson (@richardbranson) July 11, 2021
اونچائی پر پہنچ کر راکٹ پلین نے انجن کچھ لمحوں کے لئے بند کر دیا، جہاں سپیس شپ میں سوار افراد انتہائی کم کشش ثقل ہونے کے باعث ہوا میں تیرتے رہے۔
راکٹ نے چند لمحوں بعد واپسی کا عمل شروع کیا اور سپیس پلین خیریت کے ساتھ واپس لینڈ کرگیا۔ ٹیک آف سے لینڈنگ کے دوران کل ایک گھنٹے کا وقت لگا۔
سپیس شپ کو دو پائلٹس چلا رہے تھے جبکہ تین ٹیکنیکل ماہرین بھی ہمراہ تھے۔
It’s a beautiful day to go to space. We’ve arrived at @Spaceport_NM. Get ready to watch LIVE at 7:30 am PT | 10:30 am ET | 3:30 pm BST https://t.co/PcvGTmA661 #Unity22 pic.twitter.com/4KjGPpjz0M
— Richard Branson (@richardbranson) July 11, 2021
واضح رہے کہ رچرڈ برینسن نے 2004ء میں خلائی کمپنی ورجن گیلاٹک کی بنیاد رکھی تھی جس نے آخر کار 17 برس بعد پہلی کامیاب کمرشل اسپیس فلائٹ مکمل کی۔
برطانوی بزنس مین نے کاروباری حریف جیف بیزوس کی خلائی کمپنی پر سبقت لے جانے کے لئے اچانک اسپیس کاسفر کرنے کا اعلان کیا۔ جیف بیزوس نے 20 جولائی کو خلا کا سفر کرنے کا اعلان کیا ہے۔
