کابل:(ویب ڈیسک) رواں ماہ طالبان کے کابل پر کنٹرول کے اعلان کے بعد ملک چھوڑنے کے خواہشمند ہزاروں افغان اور غیر ملکی شہریوں کا افغانستان سے انخلا جاری ہے۔
اس دوران سوشل میڈیا پر متعدد ایسی ویڈیوز بھی وائرل ہوئیں جنہوں نے سوشل میڈیا صارفین کو دنگ کر دیا۔
اب برطانوی نشریاتی ادارے (بی بی سی) سے تعلق رکھنے والے صحافی سہراب سیرت کی جانب سے ٹوئٹر پر کابل ائیرپورٹ کی ایک ویڈیو شیئر کی گئی ہے جس میں دو امریکی فوجیوں کی جانب سے افغان خاتون کے ساتھ بدسلوکی کو دیکھا جا سکتا ہے۔
ویڈیو میں دیکھا جاسکتا ہے کہ ائیر پورٹ پہنچنے کی خواہشمند خاتون کودو امریکی فوجیوں نے نالے میں دھکا دے دیا ،جس کے بعد نیچے کھڑے شہریوں کی جانب سے افغان خاتون کو سہارا دیتے ہوئے گرنے سے بچایا گیا۔
An American soldier pushes an Afghan lady to the sewage canal, not letting her enter the airport. This video is probably filmed yesterday.#Kabulairport #Afghanistan pic.twitter.com/2ovqrvSG1W
— Suhrab Sirat (@SuhrabSirat) August 26, 2021
ویڈیو کے ساتھ درج کیپشن میں صحافی نے بتایا کہ امریکی اہلکاروں کی جانب سے افغان خاتون کو ائیرپورٹ میں داخل ہونے سے روکنے کے لیے نالے میں دھکا دیا گیا۔
