لاہور:(ویب ڈیسک)انگلینڈ کرکٹ بورڈ کے چیف ایگزیکٹو نے قذافی اسٹیڈیم کاد ورہ کیا اور چیئرمین پی سی بی رمیز راجہ سے اہم ملاقات کی.
انگلینڈ کرکٹ بورڈ کے چیف ایگزیکٹو ٹام ہیرسن اپنے ایک روزہ دورے پر نائب چیئرمین مارٹن ڈارلو کے ساتھ قذافی اسٹیڈیم لاہور پہنچے جہاں پر انہوں نے پاکستان کرکٹ بورڈ(پی سی بی ) کے چیئرمین رمیز راجہ سے ملاقات کی اور دوطرفہ سیریز سمیت تعلقات میں بہتری پر تبادلہ خیال کیا۔
ٹام ہیرسن اور مارٹن ڈارلو نے پی سی بی کے ہیڈ کوارٹر قذافی سٹیڈیم کا دورہ کیا جہاں ان کا استقبال چیئرمین رمیز راجہ نے کیا۔
حکام نے ملاقات میں آئندہ سال پاکستان کا مکمل دورہ کرنے سمیت دوطرفہ کرکٹ تعلقات مزید بہتر بنانے کا عزم کیا ۔
.@ECB_cricket Deputy Chairman Martin Darlow and Chief Executive Tom Harrison are in Lahore to meet PCB Chairman Ramiz Raja and Chief Operating Officer Salman Naseer. pic.twitter.com/XHomZBl4mF
— Pakistan Cricket (@TheRealPCB) November 9, 2021
واضح رہے کہ ستمبرمیں انگلینڈ کا دورہ پاکستان منسوخ ہونے پر پاکستان اور انگلش کرکٹ بورڈز کے تعلقات کشیدہ ہو گئے تھے۔