مظفرآباد:(ویب ڈیسک) قومی کرکٹ ٹیم کے سابق کپتان وسیم اکرم نے دریائے نیلم پر موجود گندگی کے ڈھیر کو دیکھ کر کراچی والوں سے معذرت کی ہے۔
وسیم اکرم اِن دنوں کشمیر پریمئیر لیگ کی وجہ سے مظفرآباد میں موجود ہیں جہاں سے انہوں نے ٹوئٹر پر ایک ویڈیو جاری کی جس میں دیکھا جاسکتا ہے کہ وہ دریائے نیلم پر موجود ہیں۔
سابق کرکٹر نے ویڈیو پیغام میں کہا کہ میں سوئٹزرلینڈ یا یورپ میں نہیں بلکہ اپنے خوبصورت پاکستان میں ہوں۔
انہوں نے کہا کہ اس وقت کراچی والوں سے میری معافی مانگنا بنتی ہے کیونکہ میں سمجھتا تھا ہم کراچی والے صفائی کا خیال نہیں رکھتے لیکن مجھ سے غلطی ہوگئی کیونکہ ہم سب بہت گندے ہیں۔
Apologies to people of karachi . It appears we as a nation need to work collectively to make our country clean ,it’s our and only ours responsibility and duty so let’s give it a go . No more excuses. #cleanpakistan pic.twitter.com/Z2BMeKXUcE
— Wasim Akram (@wasimakramlive) August 7, 2021
انہوں نے کیمرہ گھماتے ہوئے ہاتھ کے اشارے سے اپنے پیچھے کا منظر دکھایا اور بات جاری رکھتے ہوئے کہا کہ خوبصورت دریا پر گندگی کے ڈھیر۔
واضح رہے کہ وسیم اکرم اور ان کی اہلیہ شنیرا اکرم اکثر و بیشتر کراچی کے ساحل پر موجود گندگی کی نشاندہی کرتے ہوئے شہریوں کو صفائی کا خاص خیال رکھنے کی ہدایت کرتے ہیں۔
