اسلام آباد:(ویب ڈیسک) دنیا کے ترقی یافتہ ممالک کی طرح پاکستان کے دار الحکومت اسلام آباد میں بھی جلد ہی فوڈ ڈیلیوری کے لیے ڈرونز کے استعمال کے آغاز کا اعلان کیا گیا ہے۔
ٹوئٹر پر ڈپٹی کمشنر اسلام آباد حمزہ شفقات کی جانب سے حال ہی میں ایک ٹوئٹ کیا گیا ہے، جس میں بتایا گیا کہ اسلام آباد میں جلد ہی فوڈ ڈیلیوری کے لیے ڈرونز کا استعمال کیا جائے گا۔
Using drones to deliver food in Islamabad. Coming soon…
— Muhammed Hamza Shafqaat (@hamzashafqaat) September 29, 2021
فوڈ ڈیلیوری کے لیے ڈرونز کے استعمال کے اعلان پر سوشل میڈیا صارفین کی جانب سے ملے جلے ردعمل کا اظہار کیا جارہا ہے۔
ایک صارف نے لکھا کہ پہلے سے مشکلات زدہ معیشت میں مزید لوگوں کو بے روزگار کرنے کیلئے ڈرونز کااستعمال۔
ایک صارف نے مزاحیہ ٹوئٹ کرتے ہوئے ڈی سی اسلام آباد کو ہدایت کی کہ فوڈ ڈیلیوری کے لیے شاپر ڈبل رکھوائی جائے۔
واضح رہے کہ اس سے قبل ایک آن لائن سروس کمپنی کی جا نب سے بھی کراچی اور لاہور میں فوڈ ڈیلیوری کے لیے ڈرونز کے استعمال کا اعلان کیا گیا تھا۔
