لاہور:(ویب ڈیسک) آئی سی سی ٹی ٹوئنٹی ورلڈکپ کے اہم معرکے میں نیوزی لینڈ کے ہاتھوں افغانستان کی شکست سے لاکھوں افغان شائقین کرکٹ کے ساتھ ساتھ کروڑوں بھارتیوں کا دل بھی ٹوٹ گیا۔
نیوزی لینڈ نے نہ صرف افغانستان کو شکست دے کر سیمی فائنل میں رسائی حاصل کی بلکہ بھارت کی اگلے مرحلے میں پہنچنے کی تمام امیدوں پر بھی پانی پھیر دیا۔
بھارت کے ٹی ٹوئنٹی ورلڈکپ سے باہر ہوجانے کے بعد سوشل میڈیا پر مختلف میمز بنائی جارہی ہیں اور اس دوران ویرات کوہلی کی پرانی ٹوئٹ بھی وائرل ہوگئی۔
بھارتی کرکٹ ٹیم کے کپتان ویرات کوہلی نے 2012 میں ایک ٹوئٹ کی تھی جس میں ان کا کہنا تھا ’’کل گھر جارہا ہوں لیکن اچھا محسوس نہیں ہورہا‘‘۔
Better luck next time Sir …… #TeamIndia #NZvAFG #mumbai https://t.co/zI8ybcxPBm
— Cricket Tarka (@CricketTarka) November 7, 2021
شائقین کرکٹ نے ویرات کوہلی کی اس ٹوئٹ کو موجودہ صورتحال سے جوڑ کر دلچسپ تبصرے کرنا شروع کردیے۔
کرکٹ تڑکا نامی ٹوئٹر ہینڈل نے لکھا ’’اگلی بار کوشش کیجیے گا سر‘‘۔
