لاہور:(ویب ڈیسک)ٹی ٹوئنٹی ورلڈکپ میں پاکستان سے شرمناک اور عبرتناک شکست کے بعد مسلمان کرکٹر محمد شامی کو نفرت انگیز مہم کا سامنا کرنا پڑا جبکہ کوہلی نے اپنے ساتھی کرکٹر کی حمایت کی تو انتہا پسندوں نے انوشکا شرما اور ویرات کوہلی کی 10ماہ کی بیٹی کے ریپ کی دھمکیاں دینا شروع کردیں۔
بھارتی میڈیا رپورٹس کے مطابق نیوزی لینڈ کے ہاتھوں گزشتہ روز ذلت آمیز شکست کا بدلہ انتہا پسندوں نے اس صورت میں لینا شروع کردیا کہ بھارتی کپتان ویرات کوہلی کے خلاف سوشل میڈیا پر نہ صرف ٹرینڈ چلایا گیا بلکہ ان کی 10ماہ کی بیٹی کے ریپ کی دھمکیاں بھی دے ڈالیں۔
سماجی رابطے کی ویب سائٹ ٹوئٹر پر خاتون صارف کی جانب سے ایک ٹوئٹ شیئر کیا گیا جس میں بچی کے ریپ کی دھمکیوں کی شدید الفاظ میں مذمت کی گئی۔
This makes me want to puke. Rape threats to a toddler from the RW because @imVkohli did the decent thing called out bigotry & supported his teammate. These bigots belong in jail pic.twitter.com/WaTLjIQCDb
— Swati Chaturvedi (@bainjal) October 31, 2021
واضح رہے کہ بھارت کو پاکستان اور نیوزی لینڈ کے ہاتھوں میگا ایونٹ کے مسلسل دو میچوں میں شرمناک شکست کا سامنا کرنا پڑا ہے جس کے بعد انڈین ٹیم کا سیمی فائنل میں پہنچنا ناممکن دکھائی دیتا ہے۔
