اسلام آباد:(ویب ڈیسک) وزیر توانائی حماد اظہر نے بجلی کے نرخوں میں اضافے کی خبروں کی تردید کردی۔
ٹوئٹر پر جاری بیان میں حماد اظہر نے کہاکہ عالمی منڈیوں میں کوئلے، ایل این جی اور تیل کی قیمتوں میں اضافہ ہوا، اضافے کی وجہ سے ہرماہ نئی فیول کاسٹ ایڈجسمنٹ بل میں لگتی ہے، فیول کاسٹ ایڈجسٹمنٹ لگنے کے بعد گزشتہ ماہ کی ایڈجسٹمنٹ خارج ہوجاتی ہے۔
انہوں نے کہا کہ صارفین کو مارچ کے بلوں میں 5روپے فی یونٹ ریلیف ملنا شروع ہو جائے گا جس کے لیے بجلی تقسیم کار کمپنیوں کو ہدایات جاری کر دی گئی ہیں۔
بجلی کے نرخ میں آضافہ نہیں ہوا۔ عالمی منڈیوں میں کوئلے، LNG اور تیل کی قیمتوں کے اضافے کی وجہ سے ہر ماہ نئی فیول کاسٹ ایڈجسمنٹ بل میں لگتی ہے اور پچھلے ماہ کی خارج ہو جاتی ہے۔
یاد رہے کہ وزیراعظم کا 5 روپے فی یونٹ رعایتی پیکج کا نفاظ ہو چکا ہے۔— Hammad Azhar (@Hammad_Azhar) March 11, 2022
انہوں نے کہا کہ یہ ریلیف وزیر اعظم کے اعلان کردہ پیکج کے تحت دیا جائے گا جب کہ اس پیکج سے ملک بھر کے گھریلو اور کمرشل صارفین مستفید ہو سکیں گے۔
