کراچی:(ویب ڈیسک) اسٹیٹ بینک آف پاکستان نے گزشتہ برس ادائیگیوں کے نظام کا جائزہ پیش کردیا۔
مرکزی بینک کےمطابق سال 2021 میں 64 کروڑ 85 لاکھ اے ٹی ایم ٹرانزیکشنز ہوئیں جن کی مالیت 8791 ارب روپے تھی۔
اسٹیٹ بینک کا بتانا ہےکہ گزشتہ سال اے ٹی ایم سے 62 کروڑ 70 لاکھ بارکیش نکلوایا گیا اور مجموعی طور پر 7976 ارب روپے نکلوائے گئے جب کہ اے ٹی ایم سے 691 ارب روپے بینک اکاؤنٹس میں ٹرانسفر کرائے گئے۔
اس کے علاوہ سال 2021 میں اے ٹی ایم کے ذریعے 56 لاکھ یوٹیلیی بل ادا کیے گئے جن کی مالیت 24ارب 60کروڑروپے رہی۔
اسٹیٹ بینک کے مطابق ملک میں اے ٹی ایم کی تعداد 16 ہزار 709 ہے۔
