ادارہ شماریات کی جانب سے موبائل فونز کی درآمدات کی تفصیلات جاری کی گئیں جس کے مطابق رواں مالی سال کے پہلے 9 ماہ موبائل کی درآمدات میں 248 فیصد کا اضافہ ہوا ہے۔
جولائی تا مارچ 369 ارب روپے سے زیادہ کے فونز درآمد کیے گئے ہیں جبکہ گزشتہ سال اسی مدت میں فونز کی درآمدات کا حجم 106 ارب تھا۔
ادارہ شماریات نے مزید بتایا کہ مارچ 2024 میں 42 ارب 65 کروڑ کے موبائل اور فروری 2024 میں 44 ارب 91 کروڑ کے فونز درآمد کیے گئے۔
موبائل فون کی درآمدات میں مارچ 2024 میں سالانہ کی بنیاد پر 930.92 فیصد اضافہ ہوا ہے جو کہ مارچ 2023 میں 14.846 ملین ڈالر تھی۔
