لاہور: کاؤنٹر ٹیررازم ڈیپارٹمنٹ (سی ٹی ڈی) نے ہفتہ کے روز پنجاب بھر میں انٹیلی جنس بیسڈ آپریشنز کے دوران 23 دہشت گردوں کو گرفتار کر لیا۔
تفصیلات کے مطابق سی ٹی ڈی نے پنجاب میں مختلف کارروائیاں کرتے ہوئے کالعدم تنظیموں سے تعلق کے شبہ میں 23 دہشت گردوں کو گرفتار کر لیا۔
سی ٹی ڈی کے ترجمان کا کہنا ہے کہ کارروائیوں میں گرفتار دہشت گردوں سے بارودی مواد، دو آئی ای ڈی بم، 10 ڈیٹونیٹرز، اسلحہ اور نقدی برآمد ہوئی ہے۔
قبل ازیں پنجاب کاؤنٹر ٹیررازم ڈیپارٹمنٹ (سی ٹی ڈی) اور پولیس نے اڈیالہ جیل پر حملے کی کوشش ناکام بناتے ہوئے 3 دہشت گردوں کو بارودی مواد اور جیل کے نقشے سمیت گرفتار کر لیا۔
سٹی پولیس آفیسر، (سی پی او) سید خالد ہمدانی کے مطابق، سی ٹی ڈی اہلکاروں اور پولیس نے مشترکہ کارروائی کرتے ہوئے تین دہشت گردوں کو جدید ترین ہتھیاروں بشمول دھماکہ خیز مواد، دیسی ساختہ بم (آئی ای ڈی) اور جیل کا نقشہ سمیت گرفتار کر لیا۔
انہوں نے کہا کہ قانون نافذ کرنے والے اداروں نے علاقے میں دہشت گردوں کی موجودگی کی اطلاع ملنے کے بعد IBO کی کارروائی کی۔
گرفتار دہشت گردوں کا تعلق افغانستان سے ہے اور وہ علاقے میں دہشت گردی کی کارروائیاں کرنا چاہتے تھے، سی پی او نے بتایا کہ پولیس اور قانون نافذ کرنے والے ادارے اڈیالہ جیل کے ملحقہ علاقے میں سرچ آپریشن کر رہے ہیں۔
