ہونڈا موٹرسائیکل کے شوقین افراد کیلئے بڑی خوشخبری آگئی ۔
مزید تفصیلات کے مطابق اٹلس ہونڈا کمپنی نے پاکستان میں کاروبار کے 𝟔𝟎 سال مکمل ہونے پر شیخوپورہ فیکٹری میں خصوصی تقریب کا انعقاد کیا ہے،جس میں ایگزیکٹیو وائس پریزیڈینٹ ہونڈا موٹر کمپنی شنجی آیوما، چیف آفیسر موٹرسائیکل اینڈ پاور پراڈکٹس ابے نوریاکی اور دیگر نے شرکت کی ہے۔
اپنے خطاب میں ابے نوریاکی نے کہا کہ ہونڈا کی مصنوعات پاکستان کی آبادی کے بڑے طبقے کی روز مرہ زندگی کا حصہ بھی بن چکی ہیں۔
انہوں نے ہونڈا کی الیکٹرک موٹرسائیکل ہونڈا ای بینلے آزمائشی بنیادوں پر پاکستان میں متعارف کرانے کا بھی اعلان کیا ہے۔
اٹلس ہونڈا کے صدر اور سی ای او ثاقب ایچ شیرازی نے کمپنی کی کارکردگی کا جائزہ پیش کرتے ہوئے فروخت، لوکلائزیشن، پرزہ جات کے کاروبار، روزگار اور قومی خزانے کو ٹیکسوں کی ادائیگی کا احاطہ کیاہے۔
