لاہور: محسن نقوی منگل کو پاکستان کرکٹ بورڈ (پی سی بی) کے بلا مقابلہ چیئرمین منتخب ہوگئے۔
تفصیلات کے مطابق نیشنل کرکٹ اکیڈمی لاہور میں انتخابات ہوئے جہاں پنجاب کے نگران وزیراعلیٰ محسن نقوی بلا مقابلہ پی سی بی کے 37ویں سربراہ منتخب ہوگئے۔
نقوی تین سال تک پاکستان کرکٹ بورڈ کے چیئرمین کے طور پر کام کریں گے۔
چیئرمین پی سی بی ذکا اشرف کے استعفیٰ کے بعد نگراں وزیراعظم انوار الحق کاکڑ نے شاہ خاور کو کرکٹ بورڈ کا الیکشن کمشنر مقرر کردیا۔
جنوری میں، پاکستان کرکٹ بورڈ (پی سی بی) کی مینجمنٹ کمیٹی کے چیئرمین کے طور پر کم از کم سات ماہ خدمات انجام دینے کے بعد ذکا اشرف نے اپنے عہدے سے استعفیٰ دے دیا۔
ذکا اشرف نے چیئرمین مینجمنٹ کمیٹی اور ممبر بورڈ آف گورنر (بی او جی) کے عہدے سے استعفیٰ دے دیا۔
ایک بیان میں اشرف نے کہا کہ وہ پاکستان کرکٹ کی بہتری کے لیے کام کر رہے ہیں۔
تاہم، کام کے حالات پر مایوسی کا اظہار کرتے ہوئے، انہوں نے کہا کہ وہ ایسے حالات میں کام کرنے سے قاصر ہیں۔ انہوں نے مزید کہا کہ نیا چیئرمین نامزد کرنا وزیراعظم کا اختیار نہیں ہے۔
