خبربااثر: پاکستان سُپر لیگ (پی ایس ایل) کے نویں ایڈیشن میں آج دفاعی چیمپیئنز لاہور قلندرز اپنا دوسرا میچ کوئٹہ کیخلاف کھیلے گی۔
پی ایس ایل کے رواں سیزن کا چوتھا میچ آج لاہور قلندرز اور کوئٹہ گلیڈی ایٹرز کے درمیان کھیلا جائے گا۔ دونوں ٹیمیں لاہور کے قذافی اسٹیڈیم میں شام 7 بجے مدِمقابل آئیں گے۔
افتتاحی میچ میں شکست کے بعد لاہور قلندرز کو 2 بڑے غیر ملکی کھلاڑیوں نے جوائن کرلیا ہے۔ ویسٹ انڈیز کے آل راؤنڈر کارلوس بریتھ ویٹ اور زمبابوے کے آل راؤنڈر سکندر رضا آج کوئٹہ کیخلاف میچ کیلئے دستیاب ہونگے۔
خیال رہے کہ لاہور قلندرز کو پی ایس ایل کے افتتاحی میچ میں اسلام آباد یونائیٹڈ سے 8 وکٹوں سے شکست ہوئی تھی۔ 196 رنز کا پہاڑ جیسا ہدف دینے کے باوجود دفاعی چیمپیئن جیتنے میں کامیاب نہیں ہوپائی تھی۔
