بھارت کی ریاست نئی دہلی میں شادی کی رات اپنی دلہن کے لیے مٹھائی لانے کے لیے گھر سے نکلنے والا دولہا پراسرار طور پر لاپتہ ہو گیا۔ انڈیا ٹائمز کے مطابق یہ واقعہ ریاست بہار کے ضلع چھپرا میں پیش آیا ہے۔ دلہن کی فرمائش پر دولہا اپنی جہیز میں ملنے والی موٹرسائیکل پر مٹھائی لینے کے لیے گیا اور واپس نہیں آیا۔
دلہن تمام رات دولہا کا انتظار ہی کرتی رہ گئی۔ اگلی صبح اس نے دولہا کے گھروالوں کو اس حوالے سے بتایا جس پر اس کی تلاش شروع کی گئی۔ پولیس کو بھی دولہا کی گمشدگی کی رپورٹ درج کرا دی گئی ہے تاہم دو دن گزرنے کے بعد بھی دولہا کا کوئی سراغ نہیں مل سکا پولیس کے مطابق دولہے کی تلاش جاری ہے۔
