لاہور:(ویب ڈیسک) امن کا نوبیل انعام حاصل کرنے والی پاکستانی طالبہ اور سماجی کارکن ملالہ یوسفزئی کے شوہر عصر ملک کا نکاح کے بعد سوشل میڈیا پر پہلا پیغام سامنے آیا ہے۔
واضح رہےکہ گزشتہ روز ملالہ یوسفزئی نکاح کے بندھن میں بندھ گئی تھیں،ملالہ کی جانب سے ٹوئٹر پر اپنے نکاح کی تصاویر شیئر کی گئی تھیں جس میں انہوں نے اس دن کو زندگی کا قیمتی دن قرار دیا تھا۔
ملالہ یوسفزئی کا نکاح عصر ملک سے ہوا ہے جو پاکستان کرکٹ بورڈ (پی سی بی) کے ہائی پرفارمنس سینٹر میں جنرل منیجر آپریشنز کے عہدے پر فائز ہیں۔
ٹوئٹر پر عصر ملک کی جانب سے ایک تصویر پوسٹ کی گئی ہے جس میں وہ اور ملالہ اپنے نکاح کی خوشی میں کیک کاٹ رہے ہیں۔
عصر ملک کا کہنا تھا کہ ملالہ کو میں نے انتہائی تعاون کرنے والی دوست پایا ہے، مجھے ملالہ کی صورت میں ایک خوبصورت اور مہربان ساتھی ملا ہے جس کے ساتھ میں اپنی بقیہ زندگی گزارنے کے لیے بہت پرجوش ہوں۔
In Malala, I found the most supportive friend, a beautiful and kind partner — I'm so excited to spend the rest of our life together.
Thank you all for the wishes on our Nikkah. In following our cricket team's tradition, we had to do a victory cake cutting. pic.twitter.com/KSGQOHsY64
— Asser Malik (@MalikAsser) November 10, 2021
عصر ملک نے نکاح پر صارفین کی جانب سے نیک خواہشات کے اظہار پر سب کا شکریہ ادا کیا اور آخر میں لکھا کہ اپنی کرکٹ ٹیم کی روایت پر عمل کرتے ہوئے ہمیں بھی اپنی کامیابی پر کیک کاٹنا پڑا۔
