آسٹریلیا ورلڈ کپ کے فائنل میں انڈیا کو سات وکٹوں سے شکست دے کر چھٹی مرتبہ ورلڈ چیمپیئن بن گیا ہے .
اور دُنیا بھر کی طرح پاکستان میں بھی سوشل میڈیا اس میچ کے تبصروں سے بھرا پڑا ہے۔
اتوار کو میچ کے اختتام کے بعد پاکستانی سوشل میڈیا صارفین کی بڑی تعداد انڈیا کی شکست پر ایک ایسے انڈین کھلاڑی پر تنقید کرتی ہوئی نظر آئی جنہیں ریٹائر ہوئے برسوں گزر چکے ہیں۔
انڈیا کے سابق فاسٹ بولر عرفان پٹھان اکثر اپنی سوشل میڈیا پوسٹس کی وجہ سے خبروں کی زینت بنتے رہتے ہیں اور پاکستان کی ٹیم کو ’پڑوسیوں‘ کے نام سے مخاطب کرکے اُن پر طنز کرتے ہوئے پائے جاتے ہیں۔
