ٹرین سے سفر کرنے والوں کے لئے بڑی خوشخبری آگئی ۔
پاکستان ریلوے نے عیدالاضحیٰ پر عوام کی سہولت کیلئے 3 اسپیشل ٹرین چلانے کا اعلان کردیا ، ایک اسپیشل ٹرین 14 جون شام 6 بجکر 30 منٹ پر کراچی سے پشاور تک چلائی جائے گی۔
وسری عید اسپیشل ٹرین 15 جون رات 9 بجے کراچی سے لاہور تک اور تیسری عید اسپیشل ٹرین 14جون کو صبح 10بجے کوئٹہ سے راولپنڈی تک چلائی جائے گی۔
خیال رہے محکمہ موسمیات کی پیش گوئی کے مطابق عید قربان 17 جون کو ہونے کا امکان ہے، تاہم چاند کی رویت کا حتمی فیصلہ مرکزی رویت ہلال کمیٹی کرے گی۔
