لاہور: (ویب ڈیسک) پاکستان میں کورونا ویکسین لگوانے والوں کی تعداد میں تیزی سے اضافہ ہونے لگا، اب تک 5 کروڑ سے زائد لوگ ویکسین لگوا چکے ہیں۔
نیشنل کمانڈ اینڈ آپریشنز سنٹر (این سی او سی) نے سماجی رابطے کی ویب سائٹ ٹویٹر پر لکھا کہ شاباش پاکستان، ملک بھر میں 50 ملین سے زائد لوگ ویکسین لگوا چکے ہیں، اگر آپ نے ویکسین نہیں لگوائی تو ہماری اپیل ہے کہ اپنے آپ کو ویکسین لگوائیں۔
اپنے بیان میں این سی او سی نے لکھا کہ اگر دوسری ڈوز والے ہیں تو پہلی خوراک کے 28 دن بعد کسی بھی ویکسی نیشن سنٹر میں جا کر ویکسین لگوائیں۔
