بالی ووڈ کی تجربہ کار اداکارہ اور امیتابھ بچن کی اہلیہ جیا بچن نے خواتین کو ’بےوقوف‘ قرار دے دیا ۔
غیر ملکی خبر رساں ادارے کی رپورٹ کے مطابق ناویا نندا کے پوڈکاسٹ کے نئے ایپی سوڈ کے دوران اداکارہ جیا بچن نے شرکت کی جس دوران مردوں اور ان کے جارحانہ رویئے کے متعلق بات کی گئی ہے۔
اداکارہ نے اس معاملے پر اپنے خیالات کا اظہار کرے ہوئے ان عورتوں کو احمق قرار دیا ہے جو ڈیٹ پر خود بل کی ادائیگی کرنے کی خواہشمند ہوتی ہیں۔
اس موقع پر ناویا نندا نے مزید کہا کہ “مثال کے طور پر، آج، اگر آپ کسی لڑکی کو ڈیٹ پر لے جاتے ہیں اور آپ پیسے دینے کی پیشکش کرتے ہیں، تو کچھ لوگ تو اس سے ناراض ہوجاتی ہیں۔ کیونکہ اب خواتین کو لگتا ہے کہ وہ مردوں کے برابر ہیں‘‘
اس بات پر مداخلت کرتے ہوئے جیا بچن کا مزید کہنا تھا کہ ’’وہ عورتیں کتنی بیوقوف ہیں۔ آپ مردوں کو ادائیگی کرنے دیں۔‘‘
واضح رہے کہ جیا بچن نے کرن جوہر کی گزشتہ سال کی بلاک بسٹر، ‘راکی اور رانی کی پریم کہانی’ کے ساتھ بڑے پردے پر اپنی واپسی کی تھی۔