دبئی:(ویب ڈیسک) آئی سی سی ٹی ٹوئنٹی ورلڈکپ میں جمعے کے روز بھارت نے اسکاٹ لینڈ کو یکطرفہ مقابلے کے بعد 8 وکٹوں سے شکست دی۔
بھارت کے رویندرا جڈیجا کو میچ میں شاندار بولنگ کرنے پر بہترین کھلاڑی کا ایوارڈ دیا گیا۔
میچ کے بعد پریس کانفرنس کے دوران صحافی نے رویندرا جڈیجا سے سوال کیا کہ سننے میں آرہا ہے کہ افغانستان اپنے اگلے میچ میں نیوزی لینڈ کو ہراتا ہے تبھی بھارت سیمی فائنل میں جائے گا لیکن اگر ایسا نہ ہوا تو؟
صحافی کو جواب دیتے ہوئے جڈیجا نے کہا کہ پھر بیگ پیک کرکے گھر جائیں گے اور کیا۔
Haha Jadeja in press conferences is a wholesome mood. Btw, what a stupid question! 😂 https://t.co/X5tcLtmnNv
— Abdul Ahad Jawaid (@abdulahadjawaid) November 5, 2021
واضح رہے کہ اگر بھارت کو سیمی فائنل میں جگہ بنانی ہے تو اسے افغانستان اور نیوزی لینڈ کے درمیان 7 نومبر کو ہونے والے میچ میں افغانستان کی کامیابی کی دعا کرنی ہوگی اور اپنا 8 نومبر کو ہونے والا نمیبیا کے خلاف آخری میچ جیتنا ہوگا۔
اگر نیوزی لینڈ 7 نومبر کو افغانستان کو شکست دے دیتا ہے تو بھارت کی سیمی فائنل میں پہنچنے کی تمام اُمیدوں پر پانی پڑ جائے گا۔