امریکا:(خبربااثر) میامی کے ہارڈ راک اسٹیڈیم میں فٹ بال میچ کے دوران ایک بلی نے تمام شائقین کی توجہ اپنی جانب مبذول کرادی.
سوشل میڈیا پر وائرل ہونے والی ویڈیو میں دیکھا جاسکتا ہے کہ ایک بلی فٹ بال اسٹیڈیم کی بالائی منزل سے لٹکی ہوئی ہے. اوپر موجود شائقین بلی کو گرنے سے بچانے کے لیے کوششیں کررہے ہیں اس تمام صورتحال کے دوران اسٹیڈیم میں موجود تمام شائقین نے فٹ بال میچ سے اپنی توجہ ہٹا کر بلی کی جانب مبذول کردی.
ویڈیو میں دیکھا جاسکتا ہے کہ آہستہ آہستہ بلی کی گرفت گرل سے کمزور ہوتی جاتی ہے اور وہ اچانک اسٹیڈیم کی بالائی منزل سے نیچے گر جاتی ہے یہ تمام منظر دیکھ کر شائقین پریشانی کے عالم میں چیخنے لگتے ہیں لیکن خوش قسمتی سے نیچے موجود شائقین تیزی سے نیچے آنے والی بلی کو امریکی پرچم میں کیچ کرلیتے ہیں جس کے باعث بلی اتنی اونچائی سے گرنے کے باوجود بچ جاتی ہے اور اسے کوئی چوٹ بھی نہیں آتی.
بلی کو صحیح سلامت دیکھ کر اسٹیڈیم میں موجود شائقین خوشی کا اظہار کرتے اور اسے بچانے والوں کو خوب داد دیتے بھی نظر آئے.
CAT SURVIVES FALL AT HARD ROCK STADIUM!!!! #SaveTheCat pic.twitter.com/oPNGgfUltZ
— Yianni Laros (@Yiannithemvp) September 11, 2021
Well this may be the craziest thing I’ve seen at a college football game #HardRockCat pic.twitter.com/qfQgma23Xm
— Hollywood (@DannyWQAM) September 11, 2021
اسٹیڈیم اسٹاف نے مقامی میڈیا کو بتایا کہ بلی کو پکڑنے کے بعد چیک اپ کے لئے لے جا یا گیا تاہم کوئی چوٹ سامنے نہیں آئی. اسٹیڈیم اسٹاف کے مطابق ایک شادی شدہ جوڑے نے تیزی سے امریکی پرچم کو اسٹیڈیم کی ریلنگ سے نکال کر مچھلی کے جال کی طرح پھیلا دیا تا کہ بلی کو بچا سکیں. میامی اسٹیڈیم نے اپنے ٹویٹر اکائونٹ پر بھی اس واقعے سے متعلق ٹوئٹ کی جس میں انہوں نے اسٹیڈیم میں موجود لوگوں کا شکریہ کیا.
We are happy that due to the heads up nature of fans in sections 107, 110 & 208 the cat landed safely after a harrowing fall. We wish the cat the best in his remaining eight lives.
We have made a donation to @humanemiami and encourage fans to do so. https://t.co/NAVvDYiO41
— Hard Rock Stadium (@HardRockStadium) September 12, 2021
