لاہور:(ویب ڈیسک) ڈیفنس میں مبینہ ڈکیتی کے دوران مزاحمت پر لیڈی ڈاکٹر کو فائرنگ کرکے قتل کر دیا گیا۔
پولیس کے مطابق واقعہ لاہور کے علاقے ڈیفنس اے میں پیش آیا جہاں نامعلوم موٹر سائیکل سوار ملزمان نے ڈاکٹر خولہ کو فائرنگ کرکے قتل کیا۔
پولیس کا کہنا ہےکہ مقتولہ لیڈی ڈاکٹرکا پرس اور موبائل فون غائب ہے۔
پولیس ترجمان کے مطابق ڈی آئی جی آپریشنز سہیل چوہدری نے لیڈی ڈاکٹر کے قتل کا نوٹس لے لیا ہے۔
ڈی آئی جی آپریشنز نے سیف سٹی کیمروں کی مدد سے ملزمان کو ٹریس کرنے کی ہدایت کی ہے۔
