لاہور:(ویب ڈیسک) پاکستان کے سابق فاسٹ بولر محمد عامر نے ورلڈکپ میں بھارتی ٹیم کی مسلسل شکست اور ان پر ہونے والی تنقید پر ردعمل کا اظہار کیا ہے۔
عامر نے ٹوئٹر پر اپنا بیان جاری کرتے ہوئے لکھا کہ ٹی ٹوئنٹی ورلڈکپ میں بھارت کی موجودہ کارکردگی کے باوجود میں اسے بہترین ٹیم مانتا ہوں، یہ صرف اچھے اور برے وقت کی بات ہے۔
بھارتی عوام کی جانب سے کرکٹرز اور ان کے اہلخانہ کو تنقید کا نشانہ بنانے اور ان سے متعلق غیر اخلاقی بیانات پر عامر نے لکھا کہ کھلاڑیوں اور ان کی فیملیز کو گالیاں دینا انتہائی شرم کی بات ہے۔
محمد عامر نے یاد دہانی کراتے ہوئے لکھا کہ یہ مت بھولیں، آخر میں کرکٹ صرف ایک کھیل ہے۔
I still believe India is a best team its just a matter of having good time or bad time but abusing player's and their family is such a shame don't forget end of the day it's just a game of cricket.
— Mohammad Amir (@iamamirofficial) November 1, 2021
واضح رہے کہ ورلڈکپ ٹی ٹوئنٹی میں بھارت کے پاکستان اور پھر نیوزی لینڈ سے ہارنے کے بعد بھارتی شائقین اپنی ہی ٹیم کو شدید تنقید کا نشانہ بنارہے ہیں
پہلے پاکستان سے شکست کے بعد بھارت کے مسلمان کھلاڑی محمد شامی کیخلاف ٹوئٹر پر مہم چلائی گئی جس کے بعد ٹیم کے کپتان ان کے دفاع میں سامنے آئے۔
بعدازاں کوہلی کی 10 ماہ کی بیٹی وامیکا کو زیادتی کا نشانہ بنانے کی دھمکیاں دی جارہی ہیں۔
