لاہور:(ویب ڈیسک) طوطے کا شمار ایک سمجھدار پالتو پرندے کے طور پر کیا جاتا ہے کیونکہ یہ انسانی بولی کے ساتھ ساتھ کئی انسانی فعل کو اپنانے کی صلاحیت بھی رکھتا ہے.
ایسے ہی ایک طوطے کی ویڈیو سوشل میڈیا پر وائرل ہورہی ہے جو ایک لڑکے کا موبائل فون لے اڑتا ہے.
وائرل ویڈیو میں دیکھا جا سکتا ہے کہ ایک طوطا لڑکے کے ہاتھ سے اس کا موبائل فون چھپٹ کر اڑ جاتا ہے. لڑکا طوطے کے پیچھے بھاگتا ہے مگر وہ اس کے ہاتھ نہیں آتا.
ویڈیو میں دیکھا جاسکتا ہے کہ طوطا اپنے پیروں میں موبائل فون دبوچ کر اڑتا جا رہا ہے ممکنہ طور پر موبائل کا ویڈیو ریکارڈر ان تھا جس کے باعث پورے علاقے کے گھرروں کی چھتیں، گلیاں، سڑکیں اور دیگر نظارے ریکارڈ ہوتے رہے جس کے بعد طوطا ایک گھر کی بالکنی پر بیٹھ جاتا ہے.
Parrot takes the phone on a fantastic trip. 😳🤯😂🦜 pic.twitter.com/Yjt9IGc124
— Fred Schultz (@fred035schultz) August 24, 2021
ویڈیو کو ٹویٹر پر فریڈ نامی شخص نے شئیر کیا ہے لیکن انہوں نے یہ واضح نہیں کیا کہ یہ ویڈیو کس ملک کی ہے.
ویڈیو کو دیکھ کر جہاں کئی صارفین اسے اینیمیشن کا کمال قرار دے رہے ہیں تو وہیں بیشتر صارفین اسے حقیقی مانتے ہوئے طوطے کی فنکاری پر حیرانگی کا اظہار بھی کررہے ہیں.