واشنگٹن:(ویب ڈیسک) امریکی صدر جوبائیڈن اور اسرائیلی وزیراعظم نفتالی بینیٹ کے درمیان ملاقات ہوئی اس دوران جوبائیڈن کی تصویر وائرل ہورہی ہے جس میں دیکھا گیا کہ بائیڈن ملاقات کے دوران سور ہے ہیں۔
سوشل میڈیا پر ویڈیو وائرل ہوئی تھی جس میں دکھایا گیا کہ امریکی صدر جوبائیڈن اور اسرائیلی وزیراعظم نفتالی بینیٹ کے درمیان پہلی ملاقات کے دوران اسرائیلی وزیراعظم کی طویل تقریر سے بور ہوکر وہ سو گئے۔
Kamala Harris: Is he… am I…?
Staffer: No ma’am, he’s just sleeping and you’re still VP.#BidenMustGo #Biden
— Matt The Realist🕎 (@RealistNation) August 28, 2021
تاہم اب ویڈیو کی حقیقت سامنے آگئی ہے، ویڈیو کو اس طرح سے کروپ کیا گیا کہ اس سے لگا کہ جوبائیڈن سو گئے ہیں لیکن پوری ویڈیو دیکھ کر پتا چلتا ہے کہ بائیڈن اپنے ہم منصب کو جواب دے رہے ہیں۔
دونوں پوسٹوں میں واضح فرق دیکھا جاسکتا ہے کہ ایک پوسٹ میں بیچ سے حصہ ایڈٹ کیا گیا ہے جبکہ دوسری پوری ویڈیو میں بائیڈن کو بولتے دیکھا جاسکتا ہے۔
افغانستان سے امریکی انخلا کے دوران کابل میں خودکش بم دھماکے کی وجہ سے ایک دن کی تاخیر سے بائیڈن اور بینیٹ نے امریکا اور اسرائیلی تعلقات کی بحالی کے لیے پہلی ملاقات کی۔
واضح رہے کہ اسرائیلی وزیراعظم نفتالی بینٹ اسرائیل اور امریکا کے تعلقات کی تاریخ اور دونوں ممالک کی اچھی دوستی کے بارے میں گفتگو ہوئی۔
