گذشتہ کئی روز سے ٹک ٹاک اور دیگر سوشل میڈیا پلیٹ فارمز پر اسامہ بن لادن کا ’امریکہ کے نام‘ ایک خط گردش کر رہا ہے جس پر غزہ میں جاری حالیہ جنگ کے تناظر میں سازشی نظریات پر مبنی ویڈیوز بھی بنائی جا رہی ہیں۔
القاعدہ تنظیم کے رہنما اسامہ بن لادن کا یہ خط ابتدائی طور پر عربی زبان میں ایک سعودی عرب کی ویب سائٹ پر شائع کیا گیا تھا جسے بعد میں اخبار دی گارڈیئن نے انگریزی ترجمے کے ساتھ اپنی ویب سائٹ پر شائع کیا تھا۔
اس خط میں وہ امریکہ پر حملوں کا جواز پیش کرتے ہیں اور فلسطین کی آزادی کی بھی بات کرتے ہیں۔
Respectfully, @NikkiHaley, this is the truth: Content promoting this letter clearly violates our rules on supporting any form of terrorism. We are proactively and aggressively removing this content and investigating how it got onto our platform. The number of videos on TikTok is… https://t.co/9Onz1G4b2p
— TikTok Policy (@TikTokPolicy) November 16, 2023
ٹک ٹاک کے مطابق ’لیٹر ٹو امریکہ‘ ہیش ٹیگ نے منگل اور بدھ کو 𝟏.𝟖 ملین ویوز حاصل کیے مگر پلیٹ فارم اس خط سے متعلق ’دہشتگردی کی حمایت‘ کرنے والے ایسے مواد کو حذف کر رہا ہے۔
مزید دوسری طرف اخبار دی گارڈیئن نے ’سیاق و سباق سے ہٹ کر استعمال ہونے والے‘ اس خط کو اپنی ویب سائٹ سے حذف کر دیا ہے .
جو کہ 𝟐𝟎𝟎𝟐 کے دوران اس نے ترجمے کے ساتھ اپنی ویب سائٹ پر شائع کیا تھا۔