فرید آباد:(ویب ڈیسک) بھارت کے شہر فریدآباد کے میٹرو اسٹیشن کی ایک ویڈیو سوشل میڈیا پر کافی تیزی سے وائرل ہورہی ہے جس میں ایک پولیس کانسٹیبل نے اپنی جان کی پرواہ کیے بغیر لڑکی کو خودکشی سے بچایا۔
بھارتی میڈیا کے مطابق یہ واقعہ ہفتہ 24 جولائی کی شام پیش آیا جب ایک لڑکی میٹرو اسٹیشن پر چڑھ کر چھلانگ لگانے کی کوشش کررہی تھی کہ وہاں موجود لوگوں نے فوری طور پر پولیس کو خبر دی۔
پولیس نے وہاں پہنچ کر خاتون کی توجہ ہٹانے کیلئے اسے باتوں میں لگایا کہ اتنی دیر میں کانسٹیبل سرفراز بالکونی کے کونے پر چلتا ہوا خاتون تک پہنچا اور دوسری جانب سے اسے چھلانگ لگانے سے بچالیا۔
میڈیا رپورٹس کے مطابق خاتون کا تعلق دہلی سے ہے جب کہ وہ فریدآباد کی ایک کمپنی میں ملازمت کرتی ہیں، اندیشہ ظاہر کیا جارہا ہے کہ کام کی زیادتی اور مسلسل ذہنی دباؤ کے باعث خاتون نے انتہائی قدم اٹھانے کا فیصلہ کیا۔
ऐसा #फ़िल्मों में भी नहीं होता।
जान देने पर अमादा #लड़की को जान हथेली पर रख कर बचाया।
जाँबाज़ #पुलिस कर्मी को बधाई। #कहो_ना_कहो pic.twitter.com/sPZ5bjkZOm
— People’s Police – Faridabad Police (@FBDPolice) July 24, 2021
مذکورہ ویڈیو فریدآباد پولیس کے تصدیق شدہ ٹوئٹر اکاؤنٹ سے شیئر کی گئی جس پر صارفین کی بڑی تعداد نے کانسٹیبل سرفراز کو خراجِ تحسین پیش کرتے ہوئے ان کیلئے دعائیہ کلمات کہے۔
