محکمہ موسمیات نے بارشوں کے نئے سلسلے سے متعلق اہم پیشگوئی کی ہے۔
محکمہ موسمیات کی رپورٹ کے مطابق آنے والے چوبیس گھنٹوں کے دوران وفاقی دارالحکومت سمیت ملک کے دیگر حصوں میں بارش جبکہ شمالی علاقوں میں پہاڑوں پر برفباری کا امکان ہے۔
بارشوں کا سلسلہ 19 اپریل تک جاری رہنے کا امکان ہے۔ منگل، بدھ اور جمعرات کے روز ملک کے بیشتر علاقوں میں موسم خشک جبکہ خیبر پختونخوا، بلوچستان، اسلام آباد، پنجاب، کشمیر اور گلگت بلتستان میں تیز ہواؤں، آندھی، جھکڑ اور گرج چمک کے ساتھ بارش، ژالہ باری کی پیشگوئی کی گئی ہے۔
دوسری جانب موسم کے حال بتانے والوں کا کہنا ہے کہ جمعہ کے روز خیبر پختونخوا، پنجاب، اسلام آباد، شمال مشرقی بلوچستان، بالائی سندھ، گلگت بلتستان اور کشمیر میں اکثر مقامات پر تیزی آندھی، جھکڑ چلنے اور گرج چمک کے ساتھ بارش جبکہ شمالی علاقوں میں برفباری کا امکان ہے۔