کراچی:(خبربااثر) شہر قائد میں اسٹریٹ کرمنلز بے لگام، لٹیرے جب چاہیں جہاں چاہیں شہریوں کو ان کی قیمتی اشیاء سے محروم کر دیتے ہیں۔
لانڈھی شیر پاؤ کالونی میں تین مسلح ڈاکوؤں نے ہیئر ڈریسر کی دکان میں داخل ہوکر اندر موجود تمام افراد کی جیبوں کا صفایا کردیا۔
خبربااثر کو واردات کی موصول ہونے والی سی سی ٹی وی میں دیکھا جاسکتا ہے کہ تین مسلح ملزمان گزشتہ رات شیرپاؤ کالونی میں قائم ہیئر ڈریسر کی دکان میں داخل ہوتے ہیں۔
ملزمان دکان میں موجود تمام افراد کو اسلحہ کے زور پر یرغمال بناکر موبائل فونز اور نقدی چھینتے ہیں۔
ڈاکو بڑے اطمینان کے ساتھ دو سے ڈھائی منٹ دکان میں موجود رہتے ہیں اور لوٹ مار کرکے فرار ہوجاتے ہیں۔
پولیس کے مطابق واردات کی سی سی ٹی وی میں نظر آنے والے ملزمان کی گرفتاری کے لیے کوششیں جاری ہیں۔
