اسلام آباد: (ویب ڈیسک) اوگرا نے گیس 16اعشاریہ37 فیصد مہنگی کرنے کی منظوری دے دی ، سفارشات پر حتمی فیصلہ وفاقی حکومت کرے گی۔
سوئی ناردرن کیلئے گیس اوسط 16اعشاریہ37فیصد جبکہ سوئی سدرن کیلئے گیس اوسط 6اعشاریہ35 فیصد مہنگی کرنے کی منظوری دی گئی ہے۔
سوئی ناردرن کیلئے گیس کے نرخ 94 روپے فی ایم ایم بی یو بڑھانے اورسوئی سدرن کیلئے گیس کے نرخ 50 روپے فی ایم ایم بی ٹی یو بڑھانے کی منظوری دیدی گئی۔ سوئی کمپنیوں نےسال 2021-22 کیلئے درخواستیں جمع کرائی تھیں۔
